Britania nuk është duke menduar lehtësimin e masave të marra në luftën kundër pandemisë COVID-19 që i kanë vendosur para katër jave për të marrë nën kontroll situatën.

Britania është afër një krize shëndetësore pasi deri tani janë shënuar 15,000 viktima nga koronavirusi, duke e rënditur Britaninë e Madhe në vendin e pestë në botë për nga numri i viktimave.

Ministri i Zyrës së Kabinetit Michael Gove mohoi një lajm nga Buzzfeed ku raportohej për lehtësimin e masave.

“Faktet dhe këshillat janë të qarta, në këtë moment nuk duhet të mendojmë për lehtësimin e masave akoma,” tha Gove për Sky News.

Të dhënat e fundit tregojnë se 15,464 persona kanë vdekur në spitalet e Britanisë pasi janë testuar pozitiv me COVID-19, rezultat ky që është rritur nga tri ditët e kaluara duke shënuar më shume se 800 viktima cdo ditë.

Në shtëpitë e kujdesit kanë vdekur 2,500 persona, sipas Forumit Kombëtar të Kujdesit.

“Njëra nga gjërat më shqetësuese është niveli i lartë i vdekjeve,” tha Gove./arbresh.info/